Merce Marcos |
Polo teu canto amable
síntote alondra
nas túas verbas salgadas
escoito o mar
co teu nome estrelado
florece a noite
ti es sorriso de lúa
e pinga de paz.
Es fervenza, es abrente
cansancio e bágoa
na túa pel de guerreira
hei de loitar
es feitizo, es semente
terra mollada
e tes a fonte da vida
no teu ollar.
Loli Rega
Loli Rega
No hay comentarios:
Publicar un comentario